Avropa Mərkəzi Bankı (ECB) inflyasiyanın yavaşlaması səbəbindən 2024-cü ildə faiz dərəcələrini dörd dəfə azaltmağa qərar verə bilər.

Valyuta.az xəbər verir ki, bu barədə “Bloomberg” ekspertlərə istinadən məlumat yayıb.

Onların hesablamalarına görə, tənzimləyici iyun, sentyabr, oktyabr və dekabr aylarında depozit dərəcəsini 25 baza bəndi azaldacaq. Nəticədə ilin sonunda 3%-ə çatacaq.

Son bir il yarım ərzində AMB pul siyasətini tədricən sərtləşdirib. 2022-ci ilin iyul ayından tarif 10 dəfə artırılıb. 2023-cü ilin dekabrında AMB-nin rəhbər şurası üç əsas faiz dərəcəsini dəyişməz saxlamaq qərarına gəlib. Beləliklə, baza faiz dərəcəsi illik 4,5%, depozitlər üzrə dərəcəsi 4%, AMB-dən qısamüddətli kreditlər üzrə 4,75% səviyyəsində qalıb.

Nicat