2023-cü ilin noyabrında Rusiya Federasiyası may ayından bəri ilk dəfə ABŞ-a əsas uran tədarükçüsü olub.

Valyuta.az xəbər verir ki, bu barədə RİA Novosti açıq məlumatlara istinadən yazıb.

Ötən ilin noyabrında ABŞ dörd ölkədən: Rusiya, Böyük Britaniya, Yaponiya və Belçikadan 191 milyon dollar dəyərində uran yanacağı alıb. Eyni zamanda Rusiyadan 96 milyon dollarlıq uran alınıb. Noyabrda oktyabrla müqayisədə Rusiyadan uran tədarükünün dəyəri demək olar ki, yarıya qədər artıb.

2023-cü ilin cəmi on bir ayında Moskva Vaşinqtona 1,017 milyard dollar dəyərində uran satıb ki, bu da 2010-cu ildən bəri ən yüksək nəticədir.

Bundan əvvəl xəbər verilmişdi ki, ABŞ Energetika Nazirliyi Rusiya nüvə yanacağından asılılığı azaltmaq məqsədilə yeni nəsil nüvə reaktorları üçün zənginləşdirilmiş uranın tədarükü üzrə tender elan edib.

Dekabrın ortalarında isə Rusiyanın ABŞ-a uran tədarükünü qabaqlayıcı şəkildə dayandıra biləcəyi məlum olub.

Nicat