Norveçin “Yara” kimya şirkətinin prezidenti Svein Tore Holseter bildirib ki, Avropa Rusiyadan enerji asılılığını qida və gübrə asılılığı ilə əvəz edib. 

Valyuta.az xəbər verir ki, bu barədə "Euractiv" məlumat yayıb.

Holseterin sözlərinə görə, Rusiya gübrə və qidadan silah kimi istifadə edir.

"Yuxuda gəzənlər kimi, enerji ilə etdiklərimizi gübrələrlə təkrar etsək, çox narahat olardım", deyə "Yara" rəhbəri bildirib.

Holseter 2024-cü ili Avropa İttifaqı üçün həlledici il adlandırıb və fermerlər üçün stimulların və sənaye üçün proqnozlaşdırıla bilən maliyyə strukturunun yaradılmasına çağırıb.

Bundan əvvəl “RİA Novosti” agentliyi xarici ekspertlərin analitik materiallarına istinad edərək, avrozona ölkələrinin iqtisadiyyatlarının ən azı 2024-cü ilin ortalarına qədər davam edəcək uzunmüddətli resessiyaya girdiyini bildirib. Qeyd edilib ki, enerji daşıyıcılarının yüksək qiymətləri, inflyasiya, zəif tələb sənaye və ticarətin inkişafına mane olur. Almaniya və Fransada PMI işgüzar aktivlik indeksləri aylar ərzində 50 bəndin altında qalıb ki, bu da bazardakı vəziyyətin pisləşdiyini göstərir.

Paşa Məmmədli