Ukrayna limanlarından müvəqqəti Qara dəniz dəhlizləri adlanan ərazilərlə hərəkət edən ticarət gəmiləri Böyük Britaniyadan olan şirkət tərəfindən sığortalanır. 

Valyuta.az xəbər verir ki, bu barədə Türkiyənin “TRT Haber” telekanalı Ukraynanın Türkiyədəki səfiri Vasili Bondarın sözlərinə istinadən məlumat yayıb.

"Yeni dəhliz yaratmaq üçün bölgə minalardan təmizlənib, gəmilər üçün sığorta Britaniya şirkətindən alınıb. O, təkcə qida deyil, digər məhsulları da daşımaq üçün istifadə edilə bilər", deyə Bondar bildirib.

Səfirin sözlərinə görə, 2023-cü ilin sentyabrından bəri təkcə Odessadan 500-dən çox gəmi çıxıb və 14 milyon ton məhsul daşınıb. Eyni zamanda, Bodnarın sözlərinə görə, Ukraynadan kənd təsərrüfatı məhsullarının əsas hissəsi dəmir yolu ilə Avropaya ixrac olunur.

Paşa Məmmədli