ABŞ-ın dövlət borcunun həcmi əhəmiyyətli dərəcədə artıb, amerikalılar yaxın gələcəkdə ona xidmət etmək üçün ildə bir trilyon dollar xərcləməli olacaqlar. 
Valyuta.az xəbər verir ki, bu barədə RİA Novosti Roskonqres hesabatına istinadən yazır.

Sənəddə deyilir: “ABŞ-ın milli borcu qlobal iqtisadiyyat üçün əsas təhlükədir”.

Hesabat müəllifləri aydınlaşdırıblar ki, Amerikanın dövlət borcunun həcmi təxminən 34 trilyon dollar təşkil edib. Bu, qlobal maliyyə sistemini təhdid edir. Roskonqres vurğulayıb ki, dövlət borcunun büdcə gəlirlərinə nisbəti ilə onu ödəmək “riyazi cəhətdən mümkün deyil”.

Ekspertlər qeyd ediblər ki, borcların yenidən maliyyələşdirilməsi zərurəti yüksək faizlə yaranıb və bu, iqtisadi aktivliyi məhdudlaşdıra və pul vəsaitlərinin hərəkətini azalda bilər.

Yanvarın əvvəlində Rusiya Xarici İşlər Nazirliyinin sözçüsü Mariya Zaxarova ABŞ-ı rekord dövlət borcuna görə təbrik edib.

Nicat