Avropa İttifaqının Rusiyaya qarşı sanksiyalar nəticəsində itkiləri 500 milyon avronu aşıb.

Valyuta.az xəbər verir ki, bu barədə “İzvestiya” qəzetinə müsahibəsində Bundestaqın deputatı Matias Moosdorf bildirib .

Onun sözlərinə görə, anti-Rusiya sanksiyaları yalnız Qərb ölkələrinə təsir edir, Rusiyanın özündə isə “mühasirəyə alınmış qalanın mentalitetini gücləndirir”.

“Aİ-yə sanksiyaların faktiki dəyəri  yəqin ki, artıq 500 milyon avronu keçib”, - Moosdorf deyib.

Deputatın fikrincə, nüvə dövləti ilə münaqişədə qalib gəlmək mümkün deyil.

Daha əvvəl Avropa Komissiyasının rəsmi nümayəndəsi Daniel Şeridan Ferri bildirmişdi ki, AK anti-Rusiya sanksiyalarına riayət olunmasına nəzarət edir. Onun sözlərinə görə, Avropa İttifaqında anti-Rusiya sanksiyalarından yayınma faktları məlumdur və Avropa Komissiyası belə halların qarşısını almaq üçün gecə-gündüz işləyir.

Nicat