Fransa Maliyyə Nazirliyinin rəhbəri Bruno Le Mayr ölkə vətəndaşları üçün iqtisadi baxımdan ən çətin dövrlərin hələ qarşıda olduğunu bildirib. 

Valyuta.az bu barədə "RİA Novosti"yə istinadən xəbər verir.

Nazirin sözlərinə görə, Fransa 2025-ci ildə ən azı 12 milyard avroya qənaət etməlidir.

"Dövlət maliyyələşməsi baxımından ən pisi hələ qarşıdadır", deyə nazir qeyd edib.

Le Mayr bildirib ki, Fransa hakimiyyətinin qəbul etdiyi və hələ də qəbul etməli olduğu qərarlar çox çətindir:

"Enerji qiymətlərinin artması səbəbindən tarif subsidiyalarının başa çatması ilə biz yaxın həftələrdə, xüsusən də dövlət xərclərinin nəzərdən keçirilməsi ilə bağlı yeni təkliflərlə çıxış edəcəyik".

Paşa Məmmədli