Finlandiyada bu qış üçün temperatur rekordu mənfi 42,1 dərəcə olub. 

Valyuta.az xəbər verir ki, bu barədə STT agentliyi Finlandiya Meteorologiya İnstitutuna istinadən məlumat yayıb.

Finlandiya Meteorologiya İnstitutunun məlumatına görə, Laplandiyanın Enontekiyo bölgəsində bu qışın ən aşağı temperaturu qeydə alınıb. "Səhər saat 6.30-da Enontekiyo hava limanında havanın temperaturu -42,1 dərəcə olub", deyə məlumatda bildirilir.

Həmçinin bildirilir ki, Finlandiyada güclü şaxtalar səbəbindən elektrik və uzun məsafəli qatarların hərəkəti artıq üçüncü gündür gecikir. Gecikmə müddəti 30 dəqiqədən 3 saata qədərdir.

Paşa Məmmədli