Cümə günü, dekabrın 29-da Ukraynanın ən böyük spirt holdinqlərindən birinin sahibi Yevgeni Çernyak şübhəli elan edilib. SBU-nun məlumatına görə, Rusiya Federasiyasının genişmiqyaslı işğalına baxmayaraq, onun şirkətləri təcavüzkar ölkə ilə işini davam etdirib.

Valyuta.az xəbər verir ki, bu barədə SBU-nun mətbuat xidməti məlumat yayıb.

“Təhlükəsizlik xidməti Rusiya Federasiyasının silahlı təcavüzünü maliyyələşdirməkdə şübhəli bilinən Ukraynanın ən böyük spirtli içki holdinqlərindən birinin sahibi Yevgeni Çernyak haqqında sübutlar toplayıb”, - məlumatda deyilir.

SBU iddia edir ki, onun şirkətləri təcavüzkar ölkə ilə işini davam etdirib. İstintaqın məlumatına görə, 2022-ci il ərzində “onun müəssisələri Rusiya büdcəsinə yalnız vergi və rüsumların ödənilməsi şəklində təxminən 6 milyard qrivna köçürüb”.

Hüquq-mühafizə orqanları onu da bildirirlər ki, onun Mərkəzi Asiya və Cənubi Qafqazın dörd ölkəsindəki müəssisələri Rusiyadan sənaye həcmində spirt və digər müvafiq məhsullar alıb.

"Ukraynada holdinqin ofisində aparılan axtarışlar zamanı təcavüzkar ölkənin xeyrinə qanunsuz fəaliyyət göstərən sənədlər və digər maddi sübutlar aşkar edilib", - mətbuat xidməti əlavə edib.

Çernyak və onun şirkətlərinin digər altı top meneceri Cinayət Məcəlləsinin 28-ci maddəsinin 2-ci hissəsinə əsasən şübhə ilə bağlı məlumatlandırıldılar. 

ARMA-nın idarəçiliyinə verilməsi üçün onların şəxsi və korporativ əmlakına həbs qoyulması məsələsi həll edilir.

Avqustun 18- də Moskva məhkəməsi Yevgeni Çernyakın qiyabi həbsinə icazə verib. Rusiya Federasiyasında o, “Rusiya ərazisində terror fəaliyyətləri məqsədilə Ukrayna Silahlı Qüvvələrini maliyyələşdirməkdə” ittiham olunur.

Təcavüzkar ölkənin təhlükəsizlik qüvvələrinin məlumatına görə, ukraynalı iş adamı və digər şəxslər 2022-ci ilin fevral ayından aprel ayına kimi “cinayət sui-qəsdinə girib” və Ukrayna Silahlı Qüvvələrinin hərbçilərinə 500 milyon rubldan çox vəsaitin köçürülməsini təşkil ediblər. 

Rusiya Federasiyası İstintaq Komitəsinin hesabatında deyilir ki, Çernyak 2023-cü ilin iyun ayında Ukrayna Silahlı Qüvvələrinin hərbi qulluqçularına “döyüş əməliyyatları üçün nəzərdə tutulmuş, dəyəri 90 milyon rubldan çox olan mallar” alıb.

Nicat