Finlandiyada yüngül və ağır sənaye işçilərini təmsil edən Teollisuusliitto həmkarlar ittifaqı Kilpilahti və Kokkola bölgələrində bir neçə böyük fabrikin işini dayandıracaq iki günlük kütləvi tətil elan edib. 

Valyuta.az xəbər verir ki, bu barədə Yle portalı məlumat yayıb.

Məlumata görə, etiraz aksiyası fevralın 1-i və 2-də “Neste” neft emalı şirkətinin zavodları da daxil olmaqla ümumilikdə 14 müəssisədə eyni vaxtda keçiriləcək. Etirazçıların hökumətin əmək bazarı islahatlarına qarşı olduqları bildirilir.

2023-cü ilin iyun ayının sonunda işə başlayan Baş nazir Petteri Orponun yeni kabineti Finlandiyanın əmək bazarını daha rəqabətli etmək məqsədini qarşıya qoyub. Bu o deməkdir ki, 2027-ci ilə qədər, xüsusən də ölkədə həmkarlar ittifaqlarının rolunu azaltmaq üçün qanunlar qəbul ediləcək.

Nicat