Rusiyanın Wildberries bazarı yanvarın 8-dən elektronika və məişət texnikası satıcıları üçün komissiyaları qaldıracaq. 

Valyuta.az xəbər verir ki, bu barədə RBC şirkət nümayəndəsinə istinadən yazır.

Onun məlumatına görə, komissiya orta hesabla beş faiz bəndi artacaq, 10-23 faiz səviyyəsində olacaq. Bundan əlavə, qulaqlıq, monitor, kamera, geympad, elektrik skuter və enerji doldurucu kimi malların satıcıları üçün komissiya iki faiz artacaq.

Məqalədə qeyd edildiyi kimi, bu yenilik digər mal qruplarına şamil edilməyəcək.

Daha əvvəl bildirilmişdi ki, Wildberries sifariş verdikdən dərhal sonra alışı ləğv et düyməsini sınaqdan keçirəcək. Funksiya gələn ilin yanvarından internet saytında və mobil proqramda istifadəyə veriləcək. Wildberries açıqlamasında bildirib ki, müştəri təsadüfən sifariş veribsə, ünvanı səhv seçibsə və ya nəzərdə tutulduğundan daha çox məhsul seçibsə, yeni funksiyaya ehtiyac olacaq.

Nicat