Körfəz Əməkdaşlıq Şurası (KƏŞ) ölkələri ilə Cənubi Koreya arasında azad ticarət sazişi imzalanıb. 

Valyuta.az xəbər verir ki, bu barədə qurumun katibliyi məlumat yayıb.

“KƏŞ-in baş katibi Zati-aliləri Jassim Mohammed Əl-Budeyvi bildirib ki, Körfəz ölkələri ilə Cənubi Koreya arasında azad ticarət sazişinin imzalanması Körfəz ölkələrinin iqtisadi inteqrasiyası və iki tərəf arasında ticarət-iqtisadi əlaqələrin gücləndirilməsi istiqamətində tarixi addımdır”, - deyə qurumun katibliyinin saytında dərc olunan bəyanatda deyilir.

Dəqiqləşdirilir ki, KƏŞ və Cənubi Koreya danışıqları başa çatdırmaq və azad ticarət sazişinin əldə edilməsi haqqında birgə kommünike imzalayıblar. Əl-Budeyvinin sözlərinə görə, tərəflər 5 raund məsləhətləşmələr keçiriblər. Sənəd 18 fəsildən ibarətdir və xüsusilə rəqəmsal ticarət, mal və xidmətlərin ticarəti, dövlət satınalmalarının prosedurunu, habelə gömrük prosedurlarını müəyyən edir.

Nicat