Rusiyada yerli PD-8 mühərrikləri ilə SJ-100 sərnişin təyyarəsinin ilk uçuşu 2024-cü ilin əvvəlində baş tutacaq. 

Valyuta.az xəbər verir ki, bu barədə “Rossiya 24” telekanalına Birləşmiş Təyyarə Korporasiyasının (UAC) baş direktoru Yuri Slyusar bildirib.

“Mühərriklər artıq prototip təyyarəmizə quraşdırılıb və  düşünürəm ki, biz bu icazəni alan kimi, artıq bu il qalan günlərdə biz hətta yer sınaqlarını da keçirəcəyik. Ümid edirik ki, gələn ilin əvvəlində biz ilk uçuşu edəcəyik", deyə Slyusar bildirib.

İdxal edilən SJ-100-ün rəsmi ilk uçuşu avqustun 29-da təyyarədə Fransa-Rusiya SaM146 mühərrikləri quraşdırıldığı vaxt baş tutub.

Bundan əvvəl məlum olub ki, gələn il Rusiyada 20-yə yaxın SJ-100 və 6 MC-21 təyyarəsinin istehsalı planlaşdırılır.

Paşa Məmmədli