Cənubi Koreya Rusiya və Belarusa ixracı üçün hökumətdən xüsusi icazə almalı olan malların siyahısını 1159 adda artırıb. 

Valyuta.az xəbər verir ki, xüsusən də müəyyən avtomobillərə məhdudiyyətlər qoyulacaq.

"Yeni qərar siyahıdakı maddələrin ümumi sayını 1159-a çatdıracaq. İndi təkcə qiyməti 50 min dollara qədər olan minik avtomobilləri deyil, həm də mühərrikinin həcmi 2,0 litrdən çox olan bütün avtomobillər məhdudiyyətlərə məruz qalacaq", deyə "RIA Novosti" yazıb.

Məhdudlaşdırıcı tədbirlər ölkə daxilində inzibati prosedurlar başa çatdıqdan sonra 2024-cü ilin əvvəlindən qüvvəyə minəcək. Məhdudiyyətlərin genişləndirilməsinin səbəbləri arasında bu əşyaların hərbi məqsədlər üçün istifadə edilməsinin yüksək ehtimalı daxildir.

Cənubi Koreyanın tətbiq etdiyi tədbirlər Avropa İttifaqının 12-ci sanksiyalar paketində sadalanan tədbirlərə bənzəyir. Malların siyahısı olan sənəd dekabrın 18-də rəsmi olaraq dərc edilib.

Bundan əvvəl məlum olub ki, Rusiya hökuməti yerli avtomobil istehsalçıları üçün Sənayenin İnkişafı Fonduna (IDF) əlavə olaraq 39 milyard rubl ayıracaq.

Paşa Məmmədli