"Çelsi"nin keçmiş sahibi Roman Abramoviçin Türkiyədə bir məkanda ödədiyi hesab gündəmə gəlib. 

Valyuta.az xəbər verir ki, Rusiya prezidenti Vladimir Putinlə əlaqələrinə görə sanksiyaya məruz qalaraq “Çelsi”ni məcburiyyət qarşısında satan iş adamı bir müddətdir İstanbulda həyatını davam etdirir. “Sabah” qəzetinin məlumatına görə, Abramoviç ötən gün Anadolu Hisarıdakı restoranlardan birində olub. İki dostu ilə məkana gedən rusiyalı milyarder Adana kababı həmçinin müxtəlif yeməklər yeyib. 

Sonda milyarder 85 min lirə (2000 avro) hesab öpdəyib. Ofisiantlara isə 175 min lirə (5600 avro) bəxşiş verib. Ümumilikdə cibindən 260 min lirə ödəyən "Çelsi"nin keçmiş sahibi mühafizəçi ordusunun müşayiəti ilə məkanı tərk edib.

"Mirror"da yer alan məlumata görə, Abramoviç hazırda Anadolu Hisarıda mənzərəli bir evdə yaşayır. İddiaya görə, o birjanın aparıcı adlarından olan Ahmet Okumuşdan mülk kirayələyib və burada yaşamaq üçün ayda 40 min funt-sterlinq (1 milyon 472 min lirə) ödəyir.

"Mirror"da yer alan digər xəbərdə bildirilir ki, ərazidə yaşayanlardan Abramoviç haqda soruşanda onlar sadəcə gülürlər.  Bu üzdən iddia olunur ki, məhəllə sakinləri də Abramoviçlə bağlı kənardan gələn suallara cavab vermək istəmirlər.

Elmir