Rusiyanın “Arnest” qrupunun prezidenti və benefisiarı Aleksey Saqal bildirib ki, Hollandiyanın “Heineken” pivə şirkətinin alınması 11,5-12 milyard rubla başa gələcək. 

Valyuta.az xəbər verir ki, bu barədə RBC agentliyi məlumat yayıb.

Saqal izah edib ki, bu məbləğ “Arnest”ə “Heineken”in Rusiya bölməsinin Hollandiya şirkətinin ana strukturuna olan 100 milyon avroluq borcunu ödəmək öhdəliyinə başa gələcək. Beləliklə, sövdələşmənin əsas elementi “Heineken”in əvvəllər dediyi kimi, səhmlərin 100%-i üçün 1 avro deyil, dəqiq 11,5-12 milyard rubl olacaq.

“Arnest”in rəhbəri qeyd edib ki, “Heineken”ə məxsus əsas zavodlar onilliklər əvvəl tikilib, əsas istehsal avadanlıqları isə 10-15 il əvvəl istifadəyə verilib. Avadanlıqların köhnəlməsi 60%-dən çoxdur.

Saqala görə, “Heineken”in əldə etdiyi Rusiya fabrikləri həm şəxsən, həm də rəhbərlik üçün böyük problemdir.

Avqust ayında bildirilmişdi ki, “Heineken” rus aktivlərini ətriyyat istehsalçısı “Arnest”ə 1 avroya satıb.

Nicat