Amerikanın “Apple” şirkəti Çinin şimal-qərbində baş verən zəlzələnin nəticələrini aradan qaldırmağa kömək edəcək. 

Vayluta.az xəbər verir ki, bu barədə Apple şirkətinin rəhbəri Tim Kuk Weibo sosial şəbəkəsindəki hesabında Çin və ingilis dillərində yazıb.

“Qansu zəlzələsi və onun nəticələri həqiqətən dağıdıcıdır. Apple-da biz təsirə məruz qalan hər kəs haqqında düşünürük və yerli yardım və bərpa səyləri üçün vəsait təmin edəcəyik", - o bildirib.

Bazar ertəsi, dekabrın 18-də, Bakı vaxtı ilə saat 19:59-da Çinin şimal-qərbində, Qansu əyalətinin Linxia Hui muxtar prefekturasının Cişişan-Baoan-Dunxiang-Salar muxtar dairəsində 6,2 bal gücündə zəlzələ baş verib.

Nəticədə bəzi su təchizatı, elektrik enerjisi, nəqliyyat, rabitə və digər infrastruktur obyektlərinə ziyan dəyib.

Nicat