İtaliya hökuməti Neapol yaxınlığındakı Campi Flegrei supervulkanı ətrafında yaşayan on minlərlə insanın mümkün kütləvi təxliyəsini planlaşdırır. 

Valyuta.az xəbər verir ki, bu barədə "The Guardian" yazır.

Yaxın aylarda səlahiyyətlilər ərazidəki binaların möhkəmliyinin yoxlanılmasını əhatə edən yeni tədbirlər görəcəklər. Qərar aylarla təkrarlanan zəlzələlərdən sonra verilib.

Campi Flegrei (Phlegrean Fields) Neapolun qərbində yerləşir. O, ümumi əhalisi 500.000 nəfərdən çox olan Pozzuoli, Aqnano və Bakoli də daxil olmaqla çoxsaylı şəhər və kəndlərlə əhatə olunub.

Kalderada 24 krater mövcuddur və eramızın 79-cu ildə qədim Roma şəhəri Pompeyi məhv edən yaxınlıqdakı Vezuvidən daha böyük vulkandır.

Təkcə son bir ayda ərazidə 1100-dən çox zəlzələ baş verib, o cümlədən bazar ertəsi 4.0 bal və keçən həftə 4.2 bal gücündə zəlzələ olub. Bu bölgədə son dörd onillikdə ən güclü zəlzələdir.

Mütəxəssislər bildirirlər ki, seysmik aktivliyin artması, ehtimal ki, yeraltı maqma kameralarının doldurulması və ya boşaldılması nəticəsində yaranan dövrə əsasında torpağın qalxması və ya enməsi kimi tanınan bir fenomenlə bağlıdır.

Paşa Məmmədli