Macarıstan Rusiya ilə əməkdaşlığı saxlamaqla və etibarlı enerji təchizatını təmin etməklə qış mövsümünə yaxşı hazırlaşıb. 

Valyuta.az xəbər verir ki, bunu "Magyar Nemzet" qəzetinə müsahibəsində Macarıstanın xarici işlər və xarici iqtisadi əlaqələr naziri Peter Siyarto deyib.

Siyartonun sözlərinə görə, Rusiyanın xarici işlər naziri Sergey Lavrov onu əmin edib ki, Rusiya və onun şirkətləri üzərlərinə götürdükləri müqavilə öhdəliklərini yerinə yetirəcəklər və Macarıstanı müqavilələrdə göstərilən həcmdə təbii qaz, neft və nüvə yanacağı ilə təmin edəcəklər.

Macarıstan Xarici İşlər Nazirliyinin rəhbəri qeyd edib: “Hələ ki, təcrübəmiz bu bəyanatda deyilənrlə üst-üstə düşür”.

Diplomat əlavə edib ki, hazırda Macarıstanın qaz anbarlarının doluluğu orta Avropa göstəricisindən xeyli yüksəkdir və fasiləsiz tədarüklər qışda ölkənin enerji təchizatını təmin edəcək.

Keçən həftə Siyarto bildirib ki, Macarıstan Rusiya ilə yeni enerji müqavilələrini müzakirə etməyi planlaşdırmır, çünki uzunmüddətli razılaşmalar davam edir.

Nicat