Ukrayna Rusiya qazının öz ərazisindən tranzitini sırf Avropa ölkələrinin xeyrinə saxlayıb, əks halda onlar çətinliklərlə üzləşəcək. 

Valyuta.ıaz xəbər verir ki, bunu “Ukraynanın Naftoqaz” neft və qaz hasilatı, nəqli və emalı şirkətinin idarə heyətinin sədri Aleksey Çernışov deyib.

"Bizim bunu texniki cəhətdən davam etdirməyimizin yeganə səbəbi - Rusiya qazını nəql etməyimiz Avropa ölkələrinə, xüsusən də dənizə çıxışı olmayan ölkələrə dəstək olmaqdır. Onlardan bəzilərinin, xüsusən də çexlərin, avstriyalıların, macarların və slovakların digər təchizat kanallarına çıxışı çox məhduddur", - o Newsweek jurnalına müsahibəsində bildirib.

Onun sözlərinə görə, Ukrayna “yalnız avropalı tərəfdaşlar naminə” qaz nəqlinə davam edir ki, "donmasınlar", - Çernışov deyib.

Rusiyanın “Qazprom” şirkəti ilə müqavilənin 2024-cü ildən sonra uzadılması perspektivləri barədə suala “Naftoqaz”ın rəhbəri cavab verib ki, “hazırkı şərtlərdə tərəflər arasında heç bir kommersiya, praktiki və ya müqavilə münasibətləri mümkün deyil”. Eyni zamanda o, Ukraynanın yaranan imkanlardan istifadə edə biləcəyini və Avropa bazarının aparıcı enerji təchizatçısına çevriləcəyini gözləyir.

Rusiya qazının Ukrayna ərazisindən tranziti ilə bağlı müqavilənin müddəti 2024-cü ilin sonunda başa çatır. İyulda Ukraynanın energetika naziri German Qaluşenko demişdi ki, müqavilə çətin ki, uzadılsın. Bu qərar bəzi ölkələrdə, xüsusən də Rusiyanın əsas qaz tədarükçüsü olaraq qaldığı Macarıstanda narahatlıq yaradıb. Müqavilə uzadılmadığı təqdirdə ucuz elektrik enerjisini itirəcək Ukraynanın Moldovadakı səfiri Marko Şevçenko təklif edib ki, Kiyev Rusiya qazını almaq istəyən istehlakçılarla müqavilə bağlamağı müzakirə edə və onun Ukrayna ərazisindən tranzitinə qərar verə bilər.

Rusiya xarici işlər nazirinin müavini Mixail Qaluzin iyunun əvvəlində TASS-a bildirib ki, Ukrayna 2024-cü ildən sonra Rusiya ilə qaz tranziti sazişini uzatmasa, bu, Aİ-yə böyük ziyan vuracaq və Ukraynanın özünə zərər verəcək. 

Nicat