Səudiyyə Ərəbistanının başçılıq etdiyi OPEC+ ölkələrinin hasilatın azaldılması səbəbindən ABŞ-ın xam neft ehtiyatlarının kəskin şəkildə azalması qlobal tədarükün sıxlığına dair narahatlıqlara əlavə olaraq WTI markalı xam neftin barreli təxminən 1 dollar artaraq bir ilin ən yüksək səviyyəsinə qalxıb.

Valyuta.az xəbər verir ki, bu barədə "Reuters" yazır.

"ABŞ-ın West Texas Intermediate (WTI) xam neft fyuçersləri keçən ilin avqustundan bəri ilk dəfə olaraq 95 dollardan yuxarı qalxaraq, qazanclara liderlik edib. GMT vaxtı ilə saat 01:45-ə olan məlumata görə, WTI bir barel üçün 94,60 dollara satılıb.

Brent markalı neftin fyuçersləri noyabr ayından bəri müşahidə olunmayan səviyyələrə çatdıqdan sonra 77 sent və ya 0,8% artaraq barreli 97,32 dollara çatıb.

“Neft bazarı yayda elan edilən OPEC+ hasilatının azaldılmasının neftin mövcudluğuna əhəmiyyətli təsir göstərməsi faktı ilə tez razılaşdı”, - Sinqapurdakı 8VantEdge-in baş portfel meneceri Stefano Qrasso deyib.

Keçən həftə ABŞ-ın neft ehtiyatları 2,2 milyon barrel azalaraq 416,3 milyon barrelə düşüb, hökumət məlumatları Reuters sorğusunda analitiklərin 320,000 barrel azalma proqnozlarından xeyli yüksək olduğunu göstərib.

Neft hasilatının azalması OPEC+ üzvü olan Səudiyyə Ərəbistanı və Rusiyanın ilin sonuna qədər hasilatı gündəlik 1,3 milyon barel azaltmasından sonra baş verib. Qrup bazarlardakı vəziyyəti təhlil etmək üçün oktyabrın 4-də bir araya gələcək.

"Biz neft qiymətlərinin qısa müddətdə artmağa davam edəcəyini gözləyirik", - Milli Avstraliya Bankının analitikləri bildirib.

“Düşünürəm ki, Səudiyyə Ərəbistanı daha yüksək qiymətləri qəbul edə bilər, lakin çox da aşağı qiymətləri qəbul edə bilməz və əgər istehsalın 10% azaldılması onlara qiymətin 30% artmasına səbəb olarsa, bu məntiqlidir”, - Qrasso bildirib.
Qeyd edək ki, dünya bazarlarında "Azeri Light" (CIF) markalı Azərbaycan nefti də bahalaşıb.

Azərbaycan neftinin 1 bareli üzrə qiyməti ötən günlə müqayisədə 3,35 dollar və ya 3,37% artaraq 102,7 ABŞ dolları təşkil edib.

Dünən hərracların nəticələrinə görə, "Brent” markalı neftin noyabr fyuçersləri 97,41 ABŞ dollarına satılıb.

Xatırladaq ki, "Azeri Light" neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb.

Nicat