“Qazprombank” Rusiyadakı “Mega” ticarət mərkəzləri şəbəkəsini almaq üçün müqavilə bağlayıb. 

Valyuta.az xəbər verir ki, bu barədə bank məlumat yayıb.

Ticarət mərkəzləri İsveçin İngka Mərkəzlərindən (əvvəllər IKEA-nın və Rusiyadakı "Mega" ticarət mərkəzinin sahibi və idarə olunan struktur. Mağazanın sahəsi 2,3 milyon kvadratmetrdir) alınıb.

“Sövdələşməyə 14 "Mega" ticarət mərkəzi (Moskva, Moskva vilayəti, Leninqrad vilayəti, Omsk, Ufa, Rostov-na-Donu, Samara, Adıgey, Kazan, Yekaterinburq, Novosibirsk və Nijni Novqorod) daxildir", deyə bankın mətbuat xidmətindən bildirilib.

Əməliyyatın təfərrüatları açıqlanmır. 

Sentyabrın 14-də məlum olub ki, İngka Rusiyada 14 “Mega” ticarət mərkəzinin satışı ilə bağlı “Qazprombank”la danışıqlar aparır. 

Paşa Məmmədli