İsveç hakimiyyəti “Ericsson” telekommunikasiya şirkətinə Rusiya Federasiyasındakı şirkətlərə avadanlıq tədarükünü qadağan edib. 

Valyuta.az xəbər verir ki, bu barədə “Vedomosti” qəzeti yazır.

Qadağa haqqında məlumat Tele2-nin Satel TVK MMC-yə (“Ericsson” avadanlığı verir) qarşı iddiası üzrə sənədlərdə var. Onların sözlərinə görə, məhkəmə “Ericsson” AB-yə nə Satel TVK MMC-yə, nə də hər hansı digər alıcıya Rusiyaya çatdırılması üçün avadanlıq tədarük etməyə icazə verməyib.

Tele2 2022-ci ilin noyabrında “Ericsson”a qarşı iddia qaldıraraq müqavilə üzrə avadanlıqların tədarükü, 4,1 milyon avro cərimə ödəməsi, həmçinin şirkətdən astrent (avadanlığın tədarükü ilə bağlı məhkəmə aktına əməl edilməməsinə görə cərimə) alınması tələbi ilə məhkəməyə müraciət edib.

Tele2 və “Ericsson” arasında 2014-cü ilin iyul ayında 2G, 3G və 4G standartlarına uyğun mobil baza stansiyaları üçün avadanlıqların alınmasına dair müqavilə bağlanıb.

2021-ci ilin mayından 2022-ci ilin fevralına qədər Rusiya operatoru avadanlıqların tədarükü üçün 20 sifariş verib, onlardan beşi gec, altısı qismən tamamlanıb, qalan doqquzu isə ümumiyyətlə tamamlanmayıb.

Bu il Rusiya Arbitraj Məhkəməsi “Ericsson”un Tele2 qarşısında öhdəliklərini etibarsız elan edib, çünki şirkət İsveç hakimiyyətinin tətbiq etdiyi məhdudiyyətlər səbəbindən onları yerinə yetirə bilmir.

Bundan əvvəl İsveçin “Ericsson” telekommunikasiya konserni Rusiyadakı baş ofisinin çox hissəsini tərk edib.

Nicat