Beynəlxalq Valyuta Fondunun missiyası və Ukrayna hakimiyyət orqanlarının nümayəndələri genişləndirilmiş maliyyələşdirmə proqramının ikinci təftişinə hazırlıq məqsədilə texniki müzakirələrə başlayıblar.

Valyuta.az Ukrinform-a istinadla xəbər verir ki, bu barədə BVF-nin mətbuat xidməti məlumat yayıb.

Beynəlxalq Valyuta Fondunun Ukraynadakı rezident nümayəndəsi Vahram Stepanyanın sözlərinə görə, Qavin Qreyin rəhbərlik etdiyi BVF missiyası bu gün Ukrayna hakimiyyətinin nümayəndələri ilə son iqtisadi hadisələrlə bağlı və 2023-cü il BVF-nin IV Maddəsi üzrə Məsləhətləşməyə və Genişləndirilmiş Fond Mexanizminin (EFF) ikinci nəzərdən keçirilməsinə hazırlıq kontekstində fiskal, maliyyə və struktur tədbirlərinin texniki müzakirələrinə başlayır. 

Apreldə Ukrayna BVF-dən 15,6 milyard dollarlıq yeni dördillik proqram çərçivəsində 2,7 milyard dollarlıq birinci tranşı, 890 milyon dollarlıq ikinci tranşı isə iyun ayında alıb.

Nicat