Rusiyanın almaz hasilatı şirkəti ALROSA sentyabr və oktyabr aylarında kobud almazların paylanmasını müvəqqəti dayandıracaq. 

Valyuta.az xəbər verir ki, bu qərar Hindistanın Qiymətli Daşlar və Zərgərlik Məmulatlarının İxracını Təşviq Şurasının (GJEPC) tələbi ilə qəbul edilib.

Bildirilir ki, Hindistan tənzimləyicisi bu tələbi qlobal bazarlarda almaza tələbatın azalması qorxusu fonunda edib. Bu, kəsici fabriklərin işində fasilələrə səbəb olur. Bənzər bir sorğu 2020-ci ildə pandemiya zamanı Hindistandan gəlmişdi. “Kommersant” qeyd edir ki, sonra yerli şirkətlərə kobud almaz almamağa çağırış edilib.

Hindistan Rusiya almazlarının ən böyük istehlakçısıdır. İxracın həcmi ildə təxminən 4 milyard dollar qiymətləndirilir.

Paşa Məmmədli