Rusiya Bankı əsas dərəcəsini illik 12%-dən 13%-ə qaldırıb. 

Valyuta.az xəbər verir ki, bu barədə tənzimləyicinin açıqlamasında bildirilir.

Mərkəzi Bank izah edib ki, Rusiya iqtisadiyyatında inflyasiya təzyiqi yüksək olaraq qalır. "Əhəmiyyətli proinflyasiya riskləri reallaşıb: daxili tələbin artımı, istehsalın genişləndirilməsi imkanlarını üstələmək və yay aylarında rublun zəifləməsi", - Bankın bəyanatında qeyd olunur.

Vurğulanır ki, “bu şəraitdə inflyasiyanın hədəfdən yuxarı kənarlaşma miqyasını və 2024-cü ildə 4%-ə qaytarılmasını məhdudlaşdırmaq üçün monetar şərtlərin əlavə sərtləşdirilməsini təmin etmək lazımdır. İnflyasiyanın hədəfə qayıtması və onun daha da 4% ətrafında sabitləşməsi həm də iqtisadiyyatda sərt monetar şəraitin uzun müddət saxlanılmasını nəzərdə tutur”, - Mərkəzi Bank qeyd edib.

Rusiya Bankı da 2023-cü ilin sonu üçün inflyasiya proqnozunu əvvəlki 5-6,5%-lik proqnoza qarşı 6-7%-ə qaldırıb.

Nicat