Macarıstan indi Rusiya neftinin Ukrayna ərazisindən tranzitinə görə əvvəlkindən 3,5 dəfə çox pul ödəməyə məcburdur, çünki Kiyev “Drujba” neft kəməri ilə xammalın nəqli üçün qiymətləri qaldırıb.
 
Valyuta.az xəbər verir ki, Macarıstanın Baş naziri Viktor Orbanın bunun nəticəsində milli şirkətlərin xərcləri təxminən 125 milyon avro artacağını və adi istehlakçıların çiyninə düşəcəyini bildirib.

“Söyüşmək istəmirəm, çünki bu, baş nazirə yaraşmaz, amma mən ukraynalıların neft tranziti üçün tarifləri artırdığını və neftin Rusiyadan Ukrayna vasitəsilə nəqlinin 3,5 dəfə bahalaşdığını görəndə çox düşünməli oluram”, - Orban Kossuth radiostansiyasının səhər proqramında çıxışı zamanı deyib. O qeyd edib ki, özəl şirkətlər bunun üçün “daha 48 milyard forint (125 milyon avrodan çox) ödəməli olacaqlar ki, bu da qiymətlərin müəyyənləşdirilməsində nəzərə alınacaq və yanacağın qiymətinin artmasına və daha yüksək inflyasiyaya səbəb olacaq.

Orbanın sözlərinə görə, o, “Ukraynanın pulunun olmadığını və getdikcə silahın azaldığını başa düşür, ona görə də aydındır ki, nədənsə pul qazanmalıdırlar”. Lakin hökumətin başçısı kimi o, Macarıstanın maraqlarını düşünməlidir. "Buna görə də biz bu siyasətin davam etdirilməməsi və borudan istifadə haqqının ərşə qalxmaması üçün əlimizdən gələni edəcəyik ki, bu da macar ailələrini çətin vəziyyətə salacaq", - Orban xəbərdarlıq edib.

Nicat