Son bir ildə Polşada işləyən rusiyalı sahibkarların sayı 40% artıb. 

Valyuta.az xəbər verir ki, bu barədə TASS ölkənin İnkişaf və Texnologiyalar Nazirliyinin məlumatını təqdim edən "Rzeczpospolita" nəşrinə istinadən məlumat yayıb.

Departamentin hesablamalarına görə, Polşada Rusiyanın iştirakı ilə 1732 şirkətin fəaliyyəti davam edir və ya müvəqqəti olaraq dayandırılıb. Bunlardan 1315 müəssisə yalnız Rusiya vətəndaşlığı olan şəxslərə məxsusdur. Bir il əvvəl müvafiq olaraq 1120 və 903 belə firma var idi.

İqtisadçı Anjey Sadovski bu məlumatların lazımınca qiymətləndirilmədiyinə inandığını bildirib. Ekspertin sözlərinə görə, Ukrayna pasportuna malik Rusiya kapitalının ölkədəki nümayəndələrinin heç bir problem olmadan səhm almaları halları olub.

Paşa Məmmədli