Avropa Komissiyası (AK) 2023-2024-cü illər üçün inflyasiyanın davam etməsi fonunda Avropa İttifaqı və avrozona üçün iqtisadi artım proqnozlarını yenidən aşağı salıb. 

Valyuta.az xəbər verir ki, bu barədə AK-nin press-relizində deyilir.

Bazar ertəsi Brüsseldə AK-nin yay iqtisadi proqnozunda bildirilib ki, 2023-cü ildə Aİ ölkələrində ÜDM-in genişlənmə sürəti yaz proqnozundaki 1%-ə qarşı 0,8% səviyyəsində qiymətləndirilir. 2024-cü il üçün artım əvvəllər proqnozlaşdırılan 1,7% əvəzinə 1,4% səviyyəsində proqnozlaşdırılır.

Avrozona üçün də rəqəmlər azaldılıb - 2023-cü ildə 0,8%-ə (əvvəllər 1,1%) və 2024-cü ildə 1,3%-ə (1,6%). AK analitiklərinin fikrincə, yüksək inflyasiya ev təsərrüfatlarının istehlakına mənfi təsir göstərir və bu, daha zəif bərpa üçün amillərdən birinə çevrilir. Bununla belə, məşğulluq və əmək haqqının artması səbəbindən əmək bazarı sabit qalır.

Artım revizyonu Avropa Mərkəzi Bankının cümə axşamı günü Avropada yüksək inflyasiyanın qarşısını almaq üçün dərəcələri artırmaq və ya iqtisadi göstəricilərin pisləşməsinin qarşısını almaq üçün dərəcələri sabit saxlamaq barədə qərar verməyə hazırlaşdığı bir vaxta təsadüf edir.

Paşa Məmmədli