Fransanın Milli Meteorologiya Xidməti Meteo France ilk dəfə olaraq payızdakı istilər səbəbindən iqlim təhlükəsinin narıncı (sondan əvvəlki) səviyyəsini elan edib.

Valyuta.az xəbər verir ki, bu barədə qurum X sosial şəbəkəsindəki (keçmiş "Twitter") səhifəsində məlumat verib.

Bildirilir ki, İl-de-Fransa metropoliteninin 14 departamentində və Sentr-Luara Vadisi bölgəsində narıncı həyəcan səviyyəsi elan edilib.

“Bu, sistem 2004-cü ildə tətbiq olunduqdan sonra yay mövsümü xaricində yüksək temperatur üçün ilk narıncı xəbərdarlıq səviyyəsidir”, deyə nəşr bildirib.

Bu rayonlarda havanın temperaturu +33-36°C-dək yüksələcək ki, bu da sentyabrın əvvəli üçün anomal göstəricidir.

Paşa Məmmədli