Ukraynanın şərqindəki münaqişədən qaçan ukraynalı qaçqınların axını bir çox Avropa şəhərlərində mənzil çatışmazlığını daha da artırıb. Son aylarda kirayə evlərə tələbat kəskin artıb, təklif isə məhdud olaraq qalır. Bu da qiymətlərin qalxmasına və daşınmaz əmlak bazarında vəziyyətin pisləşməsinə gətirib çıxarır. 

Valyuta.az xəbər verir ki, bu barədə "Bloomberg" agentliyi məlumat yayıb.

Avropanın böyük şəhərlərində kirayə mənzillərin qiymətində artım tendensiyası pandemiyadan sonra görünməyə başlayıb. Bu, yüksək ixtisaslı əcnəbi işçilərin və tələbələrin axını ilə əlaqədar olub. Lakin Ukraynadakı münaqişə vəziyyəti daha da böyüdüb. 5 milyondan çox ukraynalı ölkəni tərk edib, onların çoxu Aİ-nin paytaxtlarında məskunlaşıb. Məsələn, Estoniyada kirayə evlərin tutlması keçən il orta hesabla 22% artıb.

Problem Amsterdam, Dublin, Berlin, Paris və Lissabonda xüsusilə kəskindir. Bu şəhərlərdə artıq mənzil qıtlığı yaşanıb. Amsterdamda orta icarə qiyməti il ərzində 25%, Dublində isə 20% artıb. Paris və Berlində də artım templəri 10%-i keçib. Ekspertlər gənc ailələrin və universitet məzunlarının münasib qiymətə mənzil tapmaqda çətinlik çəkdiyi bir vaxtda bərabərsizliyin artacağı barədə xəbərdarlıq edir. Avropada mənzil bazarının əsas problemi məhdud mənzil fondu, sakinlər və mühacirlər üçün yeni evlərin tikintisinə hakimiyyət tərəfindən reaksiyanın olmamasıdır. Bütün bunlar avropalıları ya mənzil almağa, ya da valideynlərinin yanında qalmağa məcbur edir.

Problem yüksək inflyasiya və faiz dərəcələrinin artması ilə daha da dərinləşir. Bu, daşınmaz əmlakın alınmasına tələbi azaldır və kirayə evlərə təzyiqi artırır. Pandemiya və hibrid iş yalnız bazarda ajiotajı artırıb. Hakimiyyət tikintini stimullaşdırmağa çalışır, lakin onun həcmi bütün Avropada azalır.

Nicat