McDonald's-ın Rusya varis brendi - "Vkusno - i toçka" - Rusiyanın Blaqoveşensklə üzbəüz Amur çayının sahilində yerləşən Çinin Heihe şəhərində müəssisə açmaq niyyətindədir.

Valyutaq.az xəbər verir ki, bu barədə "Forbes" Russia yazır.

Rusiyanın “Vkusno - i Toçka” fast-food restoranlar şəbəkəsinin sahibi Aleksandr Qovor TASS-a bildirib ki, şirkət Çinin Heihe şəhərindən müraciət alıb.

“Vkusno - i toçka” McDonald's-dan Çində restoranlar açmaq üçün icazə istəyib.

Qeyd olunur ki, Rusiyada restoranların alınması ilə bağlı müqavilənin şərtlərinə görə, Rusiya şəbəkəsinin McDonald's-ın fəaliyyət göstərdiyi həmin ölkələrdə müəssisələr açmaq hüququ yoxdur. Qovorun sözlərinə görə, sorğu Heihedən gəlib: “Logistika bu bölgələrə çatmır, çinlilərin orada McDonald’s-ı yoxdur”.

"Amerikaya, bir korporasiyaya məktub yazdıq. Əgər icazə versələr, biz bunu məmnuniyyətlə edəcəyik, sabah lap azı on satış məntəqəsi açacağıq. Mənə irsən yaxın olan Belarusda və ya Abxaziyada olduğu kimi", - “Vkusno - i toçka”nın sahibi deyir.

O, həmçinin iddia edir ki, şirkətə bir sıra başqa ölkələrdən də onlarda “Vkusno - i toçka” restoranlarının açılması imkanları ilə bağlı müraciət edilib.

Xatırladaq ki, indi McDonald's Rusiyada “Vkusno - i toçka” adlanır. Restoran 12 iyun 2022-ci ildə fəaliyyətə başlayıb.

2022-ci ilin may ayında McDonald's Rusiyadan tamamilə çıxmaq qərarına gəlib və biznesini satıb.

Nicat