Soyuq hava şəraitinin yaxınlaşması ərəfəsində sənaye istehsalındakı böhran Avropa üçün qazın qiymətinin bahalaşmasının qarşısını almaqda “güclü müttəfiqi” oldu. 

Valyuta.az xəbər verir ki, bu barədə "Bloomberg"in köşə yazarı Xavyer Blas məqaləsində bildirib. 

“Qitəni bürüyən sənaye böhranı (Almaniyada sənaye fəaliyyəti  ardıcıl 14 aydır azalır) qaz çatışmazlığı üçün ən yaxşı dərmandır. Belə dostu olana düşmən nə lazımdır?”, deyə müəllif yazıb.

Onun sözlərinə görə, Avropa enerji böhranını onun sənaye mərkəzinə təsiri sayəsində “döyür”: Bütün qitədə artan enerji qiymətlərinin öhdəsindən gələ bilməyən enerji tutumlu şirkətlər ya fəaliyyətini dayandırır, ya da hasilatı azaldır.

Blas "Morgan Stanley"nin Avropada ümumi qaz tələbinin beş illik orta göstəricidən 15% aşağı olacağını proqnozlaşdırdığına da diqqət çəkib. Onun fikrincə, Avropa ölkələri enerji böhranından çıxışın əvəzini istehsal sektorunda güclü tənəzzül və uzunmüddətli iqtisadi artım itkisi ilə ödəyəcək.

Bundan əvvəl Türkiyə Xarici İşlər Nazirliyinin rəhbəri Hakan Fidan enerji bazarındakı vəziyyət, ilk növbədə birlik ərazisinə qaz tədarükü və onun qiymətlərinin səviyyəsi ilə əlaqədar bu qış Avropada böhran olacağını demişdi.

Nicat