Benzin ixracı məhdudlaşdırmasa, Rusiya bazarında qıtlıq yarana bilər.

Valyuta.az xəbər verir ki, bu barədə Neftmagistral yanacaqdoldurma məntəqələri şəbəkəsinin kommersiya direktoru Sergey Solovyov TASS-a bildirib.

Onun sözlərinə görə, hazırda xarici və daxili bazarda qiymətlər arasında çox böyük uçurum var, ona görə də payız-qış aylarında hökumətin əlavə tədbirləri olmadan vəziyyət sabitləşməyəcək.

“Heç bir şey edilməsə, bu, bir sıra müstəqil yanacaqdoldurma məntəqələrinin məhvinə səbəb ola bilər”, - o deyib.

Bundan əvvəl Sankt-Peterburq Beynəlxalq Əmtəə və Xammal Birjasında (SPİMEX) Aİ-95 markalı benzinin qiymətinin bir ton üçün 71 624 rubl təşkil edərək yeni tarixi maksimuma çatdığı bildirilib. Bunu ticarət platformasının məlumatları sübut edir.

Birjanın məlumatına görə, çərşənbə günü Aİ-95 markalı benzinin qiyməti bir ton üçün 70 959 rubla yüksəlib ki, bu da əvvəlki ticarət səviyyəsindən 1,23% çoxdur. Beləliklə, yayın əvvəlində 70 min 190 rubl civarında müəyyən edilmiş rekordu aşıb.

Eyni zamanda, Aİ-92 markalı benzinin qiyməti 0,1% azalaraq bir ton üçün 63 007 rubl, dizel yanacağının dəyəri 0,2% azalaraq bir ton üçün 66 283 rubl təşkil edib. Mazut artımını davam etdirərək ton üçün 34 174 rubl (+1,53%) səviyyəsinə çatıb.

Nicat