Avqustun 24-dən Çin Rusiyanın Krasnodar və Stavropol diyarlarında və Samara vilayətində yerləşən dörd müəssisəsi tərəfindən istehsal olunan quş ətinin idxalını dayandırıb. 

Valyuta.az xəbər verir ki, bu barədə “Vedomosti” qəzeti məlumat yayıb.

Rosselxoznadzor nümayəndəsinin sözlərinə görə, Rusiya tərəfi ÇXR-dən məhdudiyyətlərin tətbiqinin səbəblərini aydınlaşdırmağı xahiş edib. Lakin Çin rəsmilərindən hələlik heç bir cavab gəlməyib. İdarədən qeyd olunub ki, bu müəssisələrin yerləşdiyi bütün rayonlarda quş qripinə yoluxma halları qeydə alınmayıb, həmçinin onun yayılma imkanları yoxdur.

Quşçuluq şirkətinin top-menecerlərindən birinin sözlərinə görə, quşda təhlükəli maddələrin, xüsusən də antibiotiklərin qəbuledilməz konsentrasiyası aşkar edilərsə, həmçinin məhsulun etiketlənməsi qaydaları pozularsa, Çinə ixrac da dayandırıla bilər.

Nicat