Rusiya neft məhsullarının ixracı avtomobil yanacağına güclü daxili tələbat fonunda son 15 ayın minimum səviyyəsinə yaxınlaşıb. 

Valyuta.az xəbər verir ki, "Bloomberg" bu qənaətə "Vortexa"nın avqustun 1-dən 20-dək olan məlumatlarını təhlil etdikdən sonra gəlib.

"Vorteka"nın məlumatına görə, avqustun ilk 20 günü ərzində Rusiya neft məhsullarının daşınmasını 14% azaldıb. Gündəlik neft məhsullarının ixracının həcmi 2,24 milyon barel təşkil edib. "Bloomberg"in məlumatına görə, bu, 2022-ci ilin mayından bəri ən aşağı göstəricidir.

Rusiya neft ixracının təxminən 45%-ni təşkil edən dizel yanacağı və qazoytun tədarükü gündəlik 1 milyon bareldən bir qədər aşağı düşüb. Benzin və qarışdırıcı komponentlərin tədarükü 43% azalaraq, gündə 66 min barelə enib.

Nafta ixracı gündəlik 371 min barelə (-22%) düşüb. "Bloomberg" qeyd edir ki, Asiya və Yaxın Şərq ölkələrinin Rusiyadan nafta almaq ehtimalı azalıb. Bütün ixracın demək olar ki, 1/3-ni təşkil edən Rusiya mazutunun tədarükü sutkada 624 min barelə qədər azalıb. Bu, həm də 2022-ci ilin martından bəri ən aşağı göstəricidir.

Paşa Məmmədli