Türkiyə "qaz qovşağı" layihəsinin Rusiya tərəfi ilə müzakirələrini davam etdirir. 

Valyuta.az xəbər verir ki, bu barədə "RİA Novosti" Türkiyə paytaxtındakı diplomatik mənbəyə istinadən məlumat verilib.

"Hazırda müzakirələr gedir. Bizim üçün bu layihə yüksək maraq kəsb edir", deyə agentliyin həmsöhbəti layihənin icrası prosesində "sükut"un yaranması ilə bağlı sualı cavablandırarkən deyib.

Bundan əvvəl Rusiya Xarici İşlər Nazirliyinin İqtisadi Əməkdaşlıq Departamentinin direktoru Dmitri Biriçevski bildirmişdi ki, Türkiyədə “qaz qovşağı” layihəsinin parametrləri hələ də müzakirə olunur.

"CNN Türk"ün daha əvvəl mənbələrə istinadən verdiyi məlumata görə, prezidentlər Rəcəb Tayyib Ərdoğan və Vladimir Putin arasında planlaşdırılan danışıqlar zamanı Türkiyə ilə Rusiya arasında enerji layihələri, xüsusən də "qaz qovşağı" layihəsi müzakirə oluna bilər.

Türkiyədə "qaz qovşağı" ilk dəfə ötən ilin oktyabrında müzakirə olunub. Ankara qovşaqla bağlı təklifə müsbət reaksiya verib və iki ölkə liderləri müvafiq idarələrə işlərə başlamaq barədə göstəriş veriblər. 

Paşa Məmmədli