Ukrayna Milli Korrupsiyaya Qarşı Mübarizə Agentliyi dünyanın aparıcı tütün şirkətləri “Japan Tobacco International” və “Philip Morris International”ı müharibənin beynəlxalq sponsorları siyahısına salıb. 

Valyuta.az xəbər verir ki, departamentin saytında qeyd edildiyi kimi, şirkətlər Rusiya Federasiyasında biznes fəaliyyətini davam etdirir və onun büdcəsinə əhəmiyyətli vergilər ödəməklə işğalçı ölkənin iqtisadiyyatına dəstək verirlər. Qeyd olunur ki, “Japan Tobacco International” (JTI) Rusiyanın demək olar ki, 35%-lik bazar payı ilə tütün bazarının şəksiz lideridir. Şirkət Rusiya bazarında, xüsusən Winston, LD, Mevius, Camel, Sobranie markaları ilə təmsil olunur.

"Son 20 ildə JTI-nin Rusiya iqtisadiyyatına sərmayələri 4,6 milyard dolları ötüb. 2020-ci ildə şirkətin vergi ödənişləri Rusiya Federasiyasının federal büdcəsinin gəlirlərinin 1,4%-ni təmin edib. Şirkət özü açıq şəkildə bəyan edib ki, Rusiya tərqibən JT Group üçün 2022-ci ildə 2 milyard dollar və ya 2022-ci il konsolidə edilmiş gəlirinin təxminən 11%-i qədər gəlir əldə edib.

NAPC əlavə edib ki, JTI nümayəndələri JT Group-un Rusiyada yeni investisiyaları və marketinq fəaliyyətini dayandırdığını bildirsələr də, şirkət hələ də Rusiya Federasiyasında məhsulların istehsalına və yayılmasına davam edir.

Eyni zamanda, Marlboro, Parlament, Bond, Chesterfield, L&M, Next, HEETS məhsulları istehsal edən “Philip Morris International” siqaret və tütün şirkəti 2019-cu ildə Rusiya bazarının 30,1%-ni tutub. “Philip Morris International”ın Rusiyaya ümumi investisiyası hazırda 2 milyard dolları ötür.

Filip Morrisin Rusiya bölməsinin maliyyə hesabatlarına əsasən, Rusiyanın Ukraynaya tammiqyaslı müdaxiləsinin ilk ilində şirkətin gəliri 8% artaraq 140,3 milyard rubla, xalis mənfəəti isə 48,2 milyard rubla çatıb ki, bu da 2021-ci ilə nisbətən 45% çoxdur. Müvafiq olaraq, təcavüzkarın büdcəsinə 136 milyon dollardan çox gəlir vergisi ödənilib.

NAPC qeyd edib ki, genişmiqyaslı müharibənin əvvəlində “Filip Morris” Rusiya biznesini satmaq niyyətini bəyan edib, lakin görünür, bütün cəhdlər uğursuz alınıb, ona görə də korporasiya hələ də Rusiya büdcəsinin ən böyük vergi ödəyicilərindən biridir.

NAPC artıq 20-dən çox şirkəti müharibənin beynəlxalq sponsorları siyahısına daxil edib. Xüsusilə, bunlara 400 brendə sahib olan Britaniyanın “Unilever” korporasiyası, xüsusən Domestos, Axe, Rexona, Dove, Calve, Rama, Brooke Bond, Lipton, Crème Bonjour, CIF, Knorr, Sunsilk, Timotei, CLEAR, Chistaya Liniya daxildir.

Həmçinin bank qrupu Raiffeisen Bank, Çin texnologiya nəhəngi Xiaomi, Fransanın Yves Rocher və Auchan korporasiyaları, Procter & Gamble transmilli korporasiyası (Gillette, Fairy, Tide, Ariel, Lenor, Mr. Proper, Pampers, Always, Head & Shoulders, Old Spice və bir çox başqaları), eləcə də Mondelez International (Barney, Oreo, Milka və s.) müharibənin sponsorları siyahısına salkınıb.

Nicat