Çin kəşfiyyatının rəsmisi pul və ya digər gəlirli təkliflər müqabilində Britaniya rəsmilərinin məxfi məlumatlarını ələ keçirmək üçün beş il ərzində LinkedIn sosial şəbəkəsində saxta profillərdən istifadə edib.

Valyuta.az xəbər verir ki, bu barədə “Times” qəzetinin eksklüziv araşdırmasında bildirlir.

Nəşr qeyd edir ki, Robin Çjan təxəllüsü ilə tanınan bu çinli casus Qərb təhlükəsizlik xidmətlərinə görə “son nəsildə Britaniya maraqlarına qarşı ən uğurlu casusdur”.

Nəşrin məlumatına görə, Çjan özünü müxtəlif şirkətlərin işçisi kimi təqdim etdiyi saxta hesablardan istifadə edərək ən azı beş ildir ki, sənaye miqyasında məlumat toplayır. O, siyasət, müdafiə, elm və texnologiya sahələrində çalışan Britaniya və Qərb rəsmiləri ilə əlaqə saxlayıb və məlumatların ötürülməsi üçün onlara 10 min ABŞ dolları məbləğində pul təklif edib. Bəzi hallarda o, Çinə tam ödənişli səfərlər və gəlirli konfranslarda iştirak etməyi də təklif edib.

Nəşr qeyd edir ki, Çjan hələ də məxfi məlumat əldə etmək üçün müxtəlif ləqəblərdən istifadə etməyə davam edir, baxmayaraq ki, LinkedIn saxta hesablarla mübarizə apardıqdan sonra onun bir çox profili silinib.

Qeyd edək ki, bundan əvvəl Çində bir amerikalı casus həbs edilmişdi.

Nicat