Çinin "Chang'e-4" roveri alimlərə Ayın uzaq tərəfinin səthinin dərinliklərində "gizli strukturları" vizuallaşdırmağa kömək edib. 

Valyuta.az xəbər verir ki, bu nailiyyət Ayın milyardlarla illik tarixini ortaya çıxarır.

"Yutu-2" rover bu kəşfə Ayın səthinə dərindən nüfuz edən, Ay səthinin altındakı strukturlardan sıçrayan və gözdən gizlədilən səs əks-sədalarını dinləyən Aya nüfuz edən radarlarının (LPR) kpməyi ilə nail olub.

Missiyanın eyni Ay roveri və eniş aparatı 2019-cu ildə "Ayın qaranlıq tərəfinə" - Yerdən heç vaxt görünməyən tərəfə enən ilk süni obyektlər kimi tarixə düşüb.

Elm adamları əvvəllər "Lunokhod"un yerə nüfuz edən radarından (GPR) istifadə edirdi, lakin bu əvvəlki səylər yalnız Ay səthinin yuxarı 40 metrinin xəritəsini çəkməyə kömək edə bilərdi. Bu yeni kəşf təxminən 300 metr dərinlikdə "gizli" strukturları aşkar etməyə imkan verib.

Yeni məlumatlar göstərir ki, Ay səthindən ilk 40 metr aşağıda olanlar toz, torpaq və qaya təbəqələrindən ibarətdir.

Radar analizi, həmçinin böyük bir obyektin Ay səthinə çırpılması zamanı əmələ gələn batmış kraterin mövcudluğunu müyyənləşdirib və Ayın səthinin altındakı qədim lava axınlarının xəritəsini tərtib etməyə kömək edib.

Paşa Məmmədli