İsveçrənin UBS Bank qrupu ipoteka ilə təmin edilmiş qiymətli kağızlar və 2008-2009-cu illərin maliyyə böhranı ilə bağlı iş üzrə ABŞ Ədliyyə Departamentinin ittihamlarını həll etmək üçün 1,44 milyard dollar cərimə ödəyəcək. 

Valyuta.az xəbər verir ki, bu barədə ABŞ Ədliyyə Nazirliyinin mətbuat xidmətindən bildirilib.

"UBS AG və ABŞ-dakı bir sıra əlaqəli qurumlar mülki işi həll etmək üçün ipoteka ilə təminatlı qiymətli kağızların zaminliyi və emissiyasıyla bağlı qeyri-adekvat hərəkətlərə görə 1,435 milyard dollar cərimə ödəməyə razılaşıblar", deyə açıqlamada bildirilib.

Federal prokurorlar bankı 2006 və 2007-ci illərdə aldıqları ipoteka ilə təmin olunmuş qiymətli kağızlarla bağlı "investorları aldatmaqda" ittiham ediblər.

Paşa Məmmədli