Sürətlə və rahatlıqla uçmaq istəyirsiniz? Elə isə diqqətiniz bu siyahıda olsun. 2023-cü ilə qədər istehsal olunan ən sürətli təyyarələrin adları açıqlanıb.Aviasiya sənayesi texnoloji və mühəndislik nailiyyətləri sayəsində sürət həddini aşmağa davam edir. Sərnişin təyyarələrinin də bu sahədə mühüm yeri var və zamanla daha yüksək sürətə çata bilən modellər hazırlanır.

Valyuta.az sizi ən sürətli sərnişin təyyarələrinin siyahısı ilə tanış edir.

“Boeing 747-400” - 1056 km/s

35 ildən artıq xidmətdə olmasına baxmayaraq, “Boeing 747-400” bu siyahıda öz yerini tutmağı bacarır. Sözügedən təyyarə modelinin ən geniş yayılmış variantıdır. Onun uzun məsafəyə uçuşu və yüksək sürəti onu hava nəqliyyatı vasitələri arasında çox populyar bir təyyarəyə çevirdi . Təəssüf ki, buna baxmayaraq, təyyarə köhnəlmiş və səmərəsiz dizayna malikdir. 2007-ci ildə istehsalı başa çatan hava nəqliyyatı hazırda istifadə edilmir.

“Boeing 777” - 1098 km/s

“Boeing”in poliqonunda olan digər məşhur və uzun məsafəli uçuşa malik təyyarə olan 777, təxminən 30 ildir ki, səmalardadır. Yeni sifarişlər və çatdırılmalarda hələ də istifadə olunması o deməkdir ki, biz bu təyyarəni daha bir neçə il səmalarda görəcəyik. Bu təyyarə 500-dən çox sərnişinlə uça bilir ki, bu da yalnız iki mühərriki olan bir mərtəbəli nəqliyyat vasitəsi üçün təsir edicidir.

“Airbus A380” - 1098 km/s

Dünyada 800-dən çox insanı rahat daşıya bilən yeganə tam ölçülü, ikimərtəbəli təyyarədir. Əslində, bu, 32 ədəd ikimərtəbəli avtobus boyda olan, indiyə qədər hazırlanmış ən böyük sərnişin təyyarəsidir. A380 son 16 ildə dünya üzrə 300 milyondan çox insan daşıyıb. İstehsalı rəsmən başa çatsa da, bu təyyarənin təqdim etdiyi sürət və rahatlıq onun daha uzun illər uçacağı anlamına gəlir.

“Dassault Falcon 7X” - 1111 km/s

Bu üç mühərrikli biznes-jet heyrətamiz dərəcədə sürətlidir və saatda 1100 km-dən çox sürətlə 16 nəfəri lüks şəkildə daşıya bilir. Üç mühərrikli təyyarələr (trijetlər) nadirdir və hazırda onları istehsal edən yeganə istehsalçı “Dassault” firmasıdır. Əsas üstünlüyü ondan ibarətdir ki, qanadlar təyyarənin arxasına quraşdırılır. Belədə ağırlıq mərkəzi dəyişdirilir və yanacaq səmərəliliyi artır. “Falcon 7X”, “Dassault” firması tərəfindən istehsal olunan ən uzun təyyarələrindən biridir. İstehsalı planlaşdırılan “Falcon 10X”-in “Falcon 7X”dən daha sürətli olacağı bildirilir.

“Boeing 787 Dreamliner” - 1111 km/s

Boeing-in geniş gövdəli uzun məsafəli təyyarəsi artıq rahatlıq və səmərəlilik baxımından şöhrət qazanmışdır. Bu, dünyada 1000-dən çox olan təyyarədir. Əgər siz nə vaxtsa uzun məsafələrə uçmusunuzsa, şübhəsiz ki, “Boeing-787 Dreamliner”i görmüsünüz.

“Boeing 747 8i” - 1136 km/s

Platformanın yaşına baxmayaraq, “Boeing 747 8i” dünyanın ən sürətli iri kommersiya təyyarəsidir. Nəqliyyat vasitəsi 500 nəfəri 1130 km/saat sürətilə daşımaq gücünə malikdir. Əslində, bu təyyarələr o qədər effektlidir ki, bəziləri hazırda ABŞ Hərbi Hava Qüvvələri tərəfindən yenilənir və 2024-cü ildə xidmətə başlayacağı gözlənilir.

“Gulfstream G700” - 1142 km/s

“Gulfstream”, bəlkə də şəxsi təyyarələrdə yeganə əvəzolunmaz addır. 13.000 km uçuş məsafəsi olan bu təyyarə 15 km-dən yüksəkdə də uça bilir.

“Cessna Citation X+” - 1154 km/s

Uzun müddət fəaliyyət göstərən “Citation X”in yenilənmiş versiyası olan “Citation X+” 2012-ci ildə daha böyük salonu və təkmilləşdirilmiş sürəti ilə təqdim edildi. Bəzi rəqiblərindən 6400 km daha qısa uçuş məsafəsinə malik olmasına baxmayaraq, sözügedən təyyarə çox populyarlaşdı. Təyyarənin istehsalı 2018-ci ildə başa çatıb.

“Bombardier Global 8000” - 1160 km/s

Heç görüşdən görüşə qədər dünya ətrafında uçaraq yaşamaq istəmisiniz, lakin adi təyyarələrin çox yavaş olduğunu düşünmüsünüz? Rahat olun, çünki “Global 8000” sizə kömək etmək üçün buradadır. 19 nəfərə qədər sərnişin daşıya bilən lüks təyyarə 14.000 km-dən çox məsafə qət edə bilir.

“SpaceShipTwo Unity” - 3704 km/s

2023-cü ildə sərnişinlərə təklif edilən dünyanın ən sürətli təyyarəsi “Virgin Galactic” şirkətinə məxsusdur. 2021-ci ilin iyul ayında raket təyyarəsinin altı sərnişini ABŞ-ın Nyu-Meksiko ştatında rekord sürətə nail olub. Bu siyahıdakı digər təyyarələrdən fərqli, “VSS Unity” bir raket mühərriki ilə təchiz edilib. Təyyarə yardım olmadan havaya qalxa bilməz. 15 km yüksəkliyə qalxmaq üçün yük təyyarəsinin arxasında daşınmalıdır. Buraxıldıqdan sonra o, 3700 km/saat sürətə çata və Yer səthindən təxminən 90 km yüksəklikdə uça bilir.

Elmir