“Türk lirəsinin faiz dərəcəsinin artırılması lirə ilə kreditlərin faiz dərəcəsini bahalaşdıracaq. Onun hazırda onlayın ticarətdə, mollarda məhsulların qiymətlərinə qısa müddətli dönəmdə heç bir təsiri olmayacaq”.

Bunu Valyuta.az-a iqtisadçı ekspert Xalid Kərimli deyib. Onun sözlərinə görə, Türkiyə Mərkəzi Bankının ilk dəfə olaraq siyasətinin davam etdirilməsi bazarlarda ümidlər yaradır:

“Amma buna baxmayaraq, yenə də hökümətin əvvəlki şəxslərdən ibarət olması lirəyə tam olaraq inam formalaşdırmır. Baxmayaraq ki, Türkiyə Mərkəzi Bankı faiz dərəcəsini artırıb, amma lirənin ucuzlaşması davam edir. İyunun 24-də birjalarda türk lirəsi ucuzlaşırdı”. 

Tirk lirəsinin ucuzlaşması ticarətə necə təsir edir?

Ekspert bildirib ki, birjada lirənin ucuzlaşması və bahalaşması dərhal satış qiymətlərinə təsir göstərmir:

“Lirənin birjada ucuzlaşması lirədə satış qiymətlərinə təsir göstərmir. Amma lirənin ucuzlaşması manatı lirəyə çevirəndə lirənin manatda ucuzlaşmasına gətirib çıxardır. Məsələn, 100 lirəlik məhsul almaq üçün əvvəl x manat ödəyirdik, indi daha az ödəyəcəyik. Lirənin ucuzlaşması lirə ilə elan edilən məhsulun manatda ucuzlaşmasına gətirib çıxardır”.

Ekspert Türkiyədə bununla bağlı ciddi infiliyasiya olduğunu qeyd edib:

“Türkiyədəki infiliyasiya lirədə məhsulun qiymətinin bahalaşmasına gətirir. Orta müddətli dövrdə infliyasının nəzarət altına alına bilməsi, lirənin ucuzlaşmasının qarşısının alınması yeni qiymətləri formalşdıracaq. Amma bu məhsulun qiymətinin ucuzlaşması və bahalaşmasına gətirməyəcək”.

Aylin