2023-cü ilin 11 ayı ərzində Azərbaycanla MDB ölkələri arasında ticarət dövriyyəsinin  məbləği 5 milyard 851 milyon 028 min ABŞ dolları olub. 
Valyuta.az Dövlət Gömrük Komitəsinə istinadən xəbər verir ki, bu, 2022-ci ilin 11 ayı ilə müqayisədə 9,4 % çoxdur. 
Bu ilin yanvar-noyabr ayları ərzində MDB ölkələrinə ixracın məbləği 1 milyard 502 milyon 099 min ABŞ dolları, MDB ölkələrindən Azərbaycana idxalın məbləği 4 milyard 348  milyon 929 min ABŞ dolları təşkil edib. 
Azərbaycanla Rusiya arasında ticarət dövriyyəsinin dəyəri 3 milyard 952 milyon 066 min ABŞ dolları olub. Rusiyaya ixracın məbləği 1 milyard 083 milyon 642 min ABŞ dolları olub, Rusiyadan ölkəyə idxalın məbləği 2 milyard 868 milyon 424 min ABŞ dolları olub.
Azərbaycanla Qazaxıstan arasında ticarət dövriyyəsinin dəyəri 300 milyon 795 min ABŞ dolları təşkil edib. Qazaxıstana ixrac 93 milyon 031 min ABŞ dollar, Qazaxıstandan idxal isə 207 milyon 764 min ABŞ dolları olub. 
Azərbaycanla Türkmənistan arasında ticarət dövriyyəsinin dəyəri 738 milyon 965 min ABŞ dolları təşkil edib. Azərbaycanın Türkmənistana ixracı 77 milyon 332 min ABŞ dolları olub, Türkmənistandan Azərbaycana idxal 661 milyon 633 min ABŞ dolları olub.  
Bu ilin 11 ayında Azərbaycanla Qırğızıstan arasında olan ticarət dövriyyəsinin məbləği 57 milyon 589 min ABŞ dolları olub, Qırğızıstana ixrac 53 milyon 084 min ABŞ dolları, bu ölkədən Azərbaycana idxal isə 4 milyon 505 min ABŞ dolları olub. 
Azərbaycanla Özbəkistan arasında ticarət dövriyyəsinin məbləği 161 milyon 581 min ABŞ dolları olub. Özbəkistana ixrac 43 milyon 336 min ABŞ dolları, bu ölkədən Azərbaycana idxal 118 milyon 245 min ABŞ dolları olub. 

Nara