Anar Bayramov
“SAT Group” şirkətinin həmtəsisçisi, idarəçi və biznes konsultant

Dəyişikliklər bizneslər üçün sağ qalmaq mücadiləsidir, amma gərək dəyişikliyi yaxşı idarə edəsən. Şirkətlər bəzən yeni nəsə tətbiq etmək istəyəndə, boşluğa düşürlər, dəyişiklik prosesi çox ağrılı olur. Çünki yeniyə hazır deyillər, köhnədən də vaz keçiblər. Yeniliyə hazır olandan sonra hərəkətə keçmək lazımdır.

Bir misal deyim. Keçən il bir şirkətə konsaltinq verirdik. Diaqnostika zamanı gördük ki, şirkətin idarəetmə “sistemi” bütünlüklə cərimə üzərində hərəkət edir. İşə gecikəndə cərimə, səhv olanda cərimə, geriqaytarma olanda cərimə, satış hədəfi yerinə yetirilməyəndə cərimə. Təbii ki, bunun doğru olmadığını bildirdik. Şirkət sahibi dedi ki, onda gələn aydan hamısını ləğv edəkmi? Dedim ki, yox təbii ki. Sənin şirkətini bu gün az-çox saxlayan, idarə edən o cərimələrdir. Yeni, daha mütərəqqi alətlər ortaya qoyaq, ondan sonra (bir neçə aya) cərimələri tam ləğv edərik. Mən qətiyyən demirəm ki, yenilik tam effektiv olana kimi köhnəni saxlamaq lazımdır. Burda söhbət ondan gedir ki, yeninin tətbiqi ilə bağlı komandada tam aydınlıq olmalıdır və elə etmək lazımdır ki, şirkət boşluğa düşməsin.