2019-cu il ilə müqayisədə Bankın xalis mənfəəti və əməliyyat mənfəəti kəskin azalıb azalıb

“Premium Bank”ın xalis mənfəəti  2020-ci ilin sonunda 4 mln. 904 min manat və ya 55,2% azalaraq 3 mln. 964 min manata düşüb.

Valyuta.Az bankın açıqladığı hesabata istinadən xəbər verir ki, bankın faiz gəliri  34 mln. 770 min manat, faiz xərcləri isə 19 mln. 685 min manat olduğuna görə “Premium Bank”ın xalis faiz gəliri 15 mln. 85 min manat olub. 

Bankın qeyri-faiz gəliri 14 mln. 62 min manat, qeyri-faiz xərcləri isə 26 mln. 561 min manat olub. Nəticədə bank 2 mln. 586 min manat əməliyyat mənfəəti əldə edib ki, bu da 2019-cu ilin sonu ilə müqayisədə 10 mln. 392 min manat və ya 80% azdır.

“Premium Bank”ın cəmi aktivləri 2020-ci ilin sonunda 653 mln. 299 min manat olub ki, bu da 2019-cu ilin sonu ilə müqayisədə 10 mln. 843 min manat azdır. Bunun səbəblərindən biri bankın müştərilərinə verdiyi xalis kreditlərin 2 mln. 143 min manat çoxalaraq 564 mln. 465 min manata çatması olub.

Bankda yerləşdirilən depozitlərin həcmi 39 mln. 727 min manat azalaraq 431 mln. 118 min manata enib. Bu da bankın cəmi öhdəliklərinin ciddi azalmasına səbəb olan maddələrdən biridir. Belə ki, “Premium Bank”ın cəmi öhdəlikləri 2019-cu ilin sonu ilə müqayisədə 41 mln. 697 min manat azalaraq 431 mln. 118 min manata düşüb.

Bankın məcmu kapitalı 2020-ci ilin sonuna 173 mln. 917 min manat olub.