2023-cü ildə “Bank Respublika”nın cəmi kredit portfelinin həcmi 2022-ci illə müqayisədə 28,2 % artaraq 1 milyard 192 milyon 803 min manat olub.

Valyuta.az bu barədə banka istinadən xəbər verir. 

Belə ki, vaxtı keçmiş kreditlərin məbləği 2022-ci illə müqayisədə 15,5% artaraq 8 milyon 727 min manat  olub. Vaxtı keçmiş kreditlərin ümumi kredit portfelində payı 0,73% olub. 

Məlumata görə, 2023-cü ildə bankın ayırdığı kreditlərin əsas hissəsi sənaye sahəsi üzrə olub, 44 milyon 930 min manat kredit ayırıb. Bu, 2023-cü illə müqayisədə 2,1% azdır. 

“Bank Respulika” aqrar sahə üzrə 260 milyon 899 min manat  kredit ayırıb, bu, 2022-ci illə müqayisədə 33,5% çoxdur. 2023-cü ildə tikinti sahəsi üzrə 45 milyon 113 min manat kredit verilib, bu, illik müqayisədə 3,4% azdır. Nəqliyyat sahəsi üzrə ayrılmış kreditlərin həcmi 2022-ci illə müqayisədə 21,7% artaraq 60 milyon 549 min manat olub. 

Ticarət müəssisələrinə ayrılmış kreditlərin həcmi 2022-ci illə müqayisədə 14,5% artıb. 

Xatırladaq ki, “Bank Respublika” 2023-cü il ərzində 40 milyon 253 min manat xalis mənfəət əldə edib. Bu, 2022-ci illə müqayisədə 51,3%, yaxud da 13 milyon 601 min manat çoxdur.

“Bank Respublika”nın aktivlərinin məbləği 2 milyard 130 milyon 976 min manat olub, bu illik müqayisədə 34,4%, yaxud da 546 milyon 119 min manat çoxdur.

Nara