"Bank Melli İran"ın Bakı filialı 2023-cü ilin üçüncü rübünü 2,79 milyon manat xalis mənfəətlə başa vurub. 

Valyuta.az-ın hesablamasına görə, bu da ötən ilin eyni dövrünə nisbətən 2 dəfə çoxdur. Ötən ilin eyni dövründə Filial 1,36 milyon manat xalis mənfəət açıqlamışdı.

 Bu ilin yanvar-sentyabr aylarında bankın faiz gəlirləri ötən ilin eyni dövrünə nisbətən 15% azalaraq 2,17 milyon manata, faiz xərcləri isə 5,8 dəfə azalaraq 28,8 min manata enib. Bankın xalis faiz gəlirləri 2,15 milyon manat təşkil edib ki, bu da ötən ilin eyni dövrünə nisbətən 10,1% azdır. 

Bu il "Bank Melli İran"ın Bakı filialı 17,6% kiçilib. Belə ki, 2023-cü ilin əvvəlində Filialın cəmi aktivləri 96,6 milyon manat olduğu halda, bu il oktyabrın 1-nə bu rəqəm 79,6 milyon manata kimi, yəni 17 milyon manat azalıb. Bankın kredit portfeli 68% və ya 3,83 milyon manat kiçilərək 5,6 milyon manata düşüb. Depozit portfeli isə 9 dəfə və ya 10,5 milyon manat azalaraq 1,38 milyon manata enib. 2022-ci ilin üçüncü rübündə bu rəqəm 11,9 milyon manata bərabər olmuşdu.

Mahir