Çində "GAC-Toyota" birgə müəssisəsi tərəfindən istehsal olunan "Bozhi 4X" elektrik krossoverlərinin satışına başlanılıb. 

Valyuta.az xəbər verir ki, bu barədə carnewschina.com məlumat yayıb.

"Bozhi 4X" yeni subbrendin ilk modelidkr. Avtomobil e-TNGA platformasında (Toyota New Global Architecture) qurulub və qiyməti 179,8 min yuandan (təxminən 42,7 min manat) başlayır. Yeni məhsulun uzunluğu 4690 mm, təkər bazası 2850 mm-dir.

Ön təkərli versiyada krossover 204 at gücünə malik tək mühərriklə təchiz edilib, sıfırdan 50 km/saat sürətlənmə 3,8 saniyəyə, məsafə isə 615 km-ə bərabərdir. Tam ötürücülü versiya iki mühərrik (hər biri 109 at gücü) alıb, onun 50 km/saat sürətlənməsi 3,4 saniyə çəkir, bir doldurma ilə hərəkət məsafəsi isə 560 km-dən çox deyil.

Yeni məhsulun interyerində 7 düymlük cihazlar paneli, 12 düymlük mərkəzi ekran və üçmilli sükan var. Seçimlərə sifətin tanınması, qızdırılan sükan, simsiz smartfonun doldurulması, qızdırılan və havalandırılan ön oturacaqlar və 9 dinamikli JBL audio sistemi daxildir.

Paşa Məmmədli