Yaponiyanın "Toyota Motor" şirkəti 570 min avtomobili təmir üçün Çin bazarından geri çağıracaq. 

Valyuta.az xəbər verir ki, bu barədə carnewschina.com məlumat yayıb.

Geri çağırma kampaniyasına səbəb yanacaq sistemində nasazlıq olub. Qeyd olunur ki, 2019-2023-cü illərdə istehsal olunmuş "Toyota Corolla" avtomobillərində, həmçinin 2018-2022-ci illərdə istehsal olunmuş "Toyota Highlander" və "Lexus RX" avtomobillərində daxili nasazlıq səbəbindən yanacaq nasosunda çatlar əmələ gələ və bu, yanacaq sızması ilə nəticələnə bilər. Xarici yanğın mənbələri ilə təmas avtomobilin alışması ilə nəticələnər.

Qüsurlu hissələr pulsuz dəyişdiriləcək. "Toyota" geri çağırma kampaniyasından zərər çəkmiş avtomobil sahiblərinə maşınlarını yanğın mənbələrinin yaxınlığında saxlamamağı və gediş-gəlişi məhdudlaşdırmağı tövsiyə edib.

Paşa Məmmədli